Transparencia

O PP denuncia que Lara Méndez tenta silenciar aos concelleiros coa sinatura dun documento que “amordaza” á oposición

By 17 Xaneiro, 2018Sin comentarios

O voceiro do Grupo Municipal do PP Antonio Ameijide asegura que “estamos ante o segundo intento” de silenciar a todos os concelleiros que “formamos o pleno deste Concello” a través da sinatura dun compromiso de confidencialidade enviado a través dun correo electrónico remitido dende un dos órganos de alcaldía

O voceiro do Grupo Municipal do Partido Popular no Concello de Lugo, Antonio Ameijide, denunciou que Lara Méndez realizou esta mañá unha nova tentativa de silenciar a todos os concelleiros que forman o pleno do Concello de Lugo, a través da sinatura dun documento, enviado a través dun correo electrónico remitido dende un dos órganos de alcaldía, no que quere “amordazar” á oposición.

Neste escrito preténdese acadar un “silencio total” por parte dos concelleiros, limitando “na totalidade” o traballo de oposición que se realiza dende os grupos. Un documento que converte a Lara Méndez na “alcaldesa da Inquisión, censurando todas as informacións” para tapar a pasividade e o nulo traballo que realiza á fronte do goberno.

Antonio Ameijide explica que o documento está formado por seis puntos, moitos deles obviedades. Concretamente, no terceiro deles se pide textualmente “non divulgar a información que reciba ao longo da miña relación co Concello de Lugo” o que na práctica é “renunciar a facer oposición no que nos queda como concelleiros durante este mandato”. Neste eido, o popular recalca que desde o Grupo Popular sempre se traballou co “máximo respeto” á Lei e á confidencialidade das informacións, “algo que seguiremos facendo sempre”, pero “non estamos dispostos” a que “nos poñan” unha mordaza na boca para que non poidamos denunciar e informar aos cidadáns de todo o que sucede na xestión diaria do Concello.

Ademais, o sexto punto do documento “é unha ameaza directa” a todos os concelleiros xa que nel se especifica que “de non cumprir coas obrigas contraídas asinando o mesmo”, os concelleiros quedarán expostos a ser castigados “coas sancións” que se estimen oportunas.

Antonio Ameijide denuncia que “quedan demostradas unha vez máis as malas prácticas” dos socialistas na xestión do Concello de Lugo, e “o único que faltou nesta ocasión foi que mandaran o documento de noite”. Os socialistas seguen “a facer todo o posible” para limitar o traballo de oposición o que deixa en “evidencia” unha falta total de transparencia, impropia dun equipo de goberno democrático do século XXI.

Responder

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies