Infraestruturas

O PP agradece o compromiso da Xunta cos veciños da Residencia e pide á alcaldesa que se “aplique” na revitalización do barrio

By 13 Xaneiro, 2018Xaneiro 16th, 2018Sin comentarios

O voceiro popular Antonio Ameijide contrapón “a postura vitimista de Lara Méndez coa política feitos do goberno galego” amosando a súa satisfación “porque se están cumprindo os prazos anunciados para que o barrio da Residencia conte co primeiro Centro Integral de Saúde que se porá en marcha en Galicia”

O Grupo Municipal do Partido Popular agradece o compromiso e o investimento millonario da Xunta de Galicia no barrio da Residencia. O voceiro Popular Antonio Ameijide afirma que é una moi boa nova para Lugo que o proxecto  do Centro Integral de Saúde esté xa publicado no DOGA e demostra, unha vez máis, que “o goberno do PP na Xunta cumpre coa palabra dada e que a Xunta non fai promesas sen valor como ocorre no caso da señora Lara Méndez”.

Ameijide explicou que, arestora, a alcaldesa ten a oportunidade de demostrar se está á altura do cargo que ocupa “das promesas que fixeron de desenvolver un plan municipal para revitalizar o barrio só conseguiron colocar un coxín europeo que, por certo, inauguraron a bombo e platillo”.

O popular esixe á rexedora que “sexa responsable” e que “axilice as xestións e licenzas necesarias para acelerar ao máximo os trámites necesarios, durante os próximos meses, e iniciar as obras deste complexo o máis axiña posible”.

O voceiro popular concluíu que “mentres a Xunta  cumpre co barrio da Residencia a alcaldesa permanece anclada nunha postura de inmobilismo e esquécese dos veciños da Residencia”. Ameijide detallou que “o goberno autonómico, dende o minuto un,  tivo moi en conta, no desenvolvemento deste proxecto, todas as peticións da Mesa de Traballo da Residencia, na que participan os grupos políticos da corporación e entidades veciñais e sociais mentres que por parte do goberno local non se deu resposta as peticións presentandas que son da súa competencia: dotacións culturais deportivos, mais zonas verdes, previsión dun plan de mobilidade e transporte público, ou simplente mellorar o mantemento xeral e conservación do barrio”.

Responder

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies