O GarañónUrbanismo

O PP afirma que a alcaldesa acreditou hoxe que renuncia tirar o Garañón probablemente presionada por Orozco e Besteiro

By 27 Marzo, 2018Sin comentarios

O voceiro do PP Antonio Ameijide considera “unha falta de respeto que a alcaldesa reuna á Comisión do Garañón sen a presenza de técnicos para buscar solucións a esta desfeita urbanística” lamentando que “Méndez non teña vontade de solucionar este problema, nin saiba o que quere facer”

O voceiro do Grupo Popular acusa á alcaldesa de “montar hoxe unha pantomima para intentar ocultar a súa falta de vontade para demoler o Garañón”. Antonio Ameijide considera “unha falta de respeto aos grupos da oposición que se nos convoque a unha Comisión, desta importancia, sen invitar aos técnicos municipais” matizando que foi “unha absoluta perda de tempo que non aportou nada novo para aclarar o futuro das torres das costas do parque”. “É a confirmación de que Lara Méndez abandona a opción de tirar o Garañón mentres ela sexa alcaldesa” resumiu o voceiro do PP.

Antonio Ameijide afirmou que  alcaldesa “é títere dos seus padriños, Orozco e Besteiro,  que dende a sombra presionan á alcaldesa para que manteña a súa actitude inmobilista”. “Semella que Lara Méndez, ao seu ditado, dilata a decisión de tirar estas moles das Costas do Parque”.

Por outra parte, Ameijide denuncia a incapacidade de Lara Méndez por continuar botando balóns fóra, e pedir que a Xunta lles faga o traballo e decida o futuro do Garañón cando, por outra parte, vén de anunciar que se vai contratar a redacción da ordenación de detalle desta zona a unha empresa privada.

 Nese senso, o popular criticou que o retraso en iniciar os trámites para elaborar o Plan Especial de Reforma Interior cando “xa pasou a terceira parte do tempo dende que se decretou a  suspensión de licenzas o pasado mes de novembro”. A Ameijide sorprendeulle a decisión da que deu conta Lara Méndez indicando que “nin sabemos cal serán as liñas mestras deste estudo de detalle, nin o seu custe, nin o prazo que precisarán para a súa elaboración”.

Responder

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies