Urbanismo

O PP acusa a Méndez de recuperar promesas incumpridas, doutras campañas, a un ano das eleccións

By 14 Maio, 2018Sin comentarios

O voceiro do Grupo Popular Antonio Ameijide manifestou o seu escepticismo diante do anuncio do proxecto do aparcamento gratuíto do Hula xa que “este leiraparking prometéronno os seus padriños políticos no ano 2011 e non o cumpriron; logo o prometeu a alcaldesa, hai tres anos, e tamén foi incapaz de cumprir, a estas alturas, co seu compromiso”

O Partido Popular acusa á alcaldesa de Lugo de iniciar “unha campaña de cara á galería para tapar a parálise do seu goberno” e critica que “para montar esta cortina de fume recupere promesas incumpridas doutras campañas”.

Deste xeito, o voceiro do Grupo Popular valoraba os últimos anuncios feitos por Lara Méndez. No caso do leiraparking os populares amosan o seu escepticismo de que se cumpran os prazos xa que “estamos falando do terceiro anuncio da construción desta zona de estacionamento público e gratuíto situado nuns terreos municipais fronte ao Hula”.

Antonio Ameijide pregúntase se “será esta a promesa definitiva”  puntualizando que “foron os padriños políticos da alcaldesa os que en 2011 anunciaban a obra en plena campaña . “No 2011, en vésperas de eleccións, Orozco e Besteiro instalan un cartel prometendo o  leiraparking e, sete anos despois,  non hai nin aparcamento gratuíto, nin cartel, e os padriños da alcaldesa están desaparecidos políticamente” matizando que “agardemos que desta volta non pase o mesmo, eu se fose a alcaldesa estaría preocupado”.

O voceiro do PP tamén recordou como, en  marzo de 2016, dende o Grupo Popular se lles advertiu de que a entrada en vigor da nova Lei do Solo xa lles permitía a construción dun aparcamento público no entorno do Hula. Ameijide explicou que “o urbanizable municipal que linda co complexo hospitalario pasou a considerarse solo rústico polo que se autorizaba a habilitar  una zona de estacionamento ao aire libre”. O voceiro popular destacou que “coa nova lexislación este espazo deixou de ter as limitacións como suelo urbanizable de protección de infraestructuras no cal non se permitía o uso de aparcadoiro”.

Malia esta advertencia “os socialistas seguiron na mesma tónica de espiral de promesas incumpridas sen aproveitar a oportunidade que lles brindaba a nova lei do solo”. “Seguiu pasando o tempo sen que os lucenses, pola inoperancia do PSOE, podamos utilizar esta zona de aparcamento gratuíta fronte ao Hospital” concluíu.

 Con respecto ao anuncio do ascensor de Fontiñas amosou a súa satisfacción porque logo de anos de insistencia do Partido Popular, con iniciativas de pleno favorables, por fin o PSOE se da conta da necesidade de acometer o proxecto do ascensor de Fontiñas “tan demandado polos cidadáns e tan reclamado polo PP”.  Ameijide tamén expresou o seu desexo de que este elevador “non sexa outra nova mentira máis dos socialistas e sega o mesmo camiño co do Sagrado Corazón” lembrando como os veciños levan xa 11 anos agardando por esta dotación prometida tamén en campaña electoral.

Responder

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies