O PP reclama unha solución definitiva para unir o parque Marcos Cela co río Miño á altura da Volta da Viña

By 24 Xullo, 2019 Medio Ambiente

O vicevoceiro do Grupo Popular Antonio Ameijide presentou un rogo para que o goberno local inicie, canto antes, os traballos de consolidación e drenaxe da ladeira que asegura o mirador e a zona verde do Parque Marcos Cela á altura da Volta da Viña.
“Agora que vai bo tempo nótase ainda máis a falla de accesos directos que comuniquen a cidade co río Miño e o da Volta de Viña é un dos que rexistra maior tránsito de persoas que saen a camiñar, a facer deporte ou que utilizan este paso para achegarse ao Miño”. Ameijide salientou que “esta é a mellor época para realizar obras deste tipo” e insistiu en que “é necesario previr para evitar que se reproduzcan novos corrementos de terra”.
O popular indicou que as escaleiras da Volta da Viña “nunca foron seguras xa que rematan en plena calzada, na rúa de Santiago, que é unha das principais entradas á cidade e que rexistra un importante tránsito de vehículos ademáis de coincidir nunha curva peligrosa”. Antonio Ameijide mesmo lembrou unha proposta do seu grupo que suxería “a construción dunha beirarrúa, que comunicase estas escaleiras coas vivendas que están xunto ao balneario para facer un itinerario seguro”.

Responder

14 − nine =