Zona rural

O PP reclama que o diñeiro que o bigoberno non investiu no rural en 2019 se dedique a asfaltado en quente de pistas en mal estado

By 7 Decembro, 2020Sin comentarios

O concelleiro popular lamenta a “desidia e o olvido deste bigoberno coa zona rural” desvelando que en 2019 (segundo se desprende da Conta Xeral) só executou o 4,76 % dos 661.464,84€ do orzamento de investimentos

O concelleiro popular Manuel López analizou o grao de execución do cápitulo VI de investimentos da Conta Xeral de 2019. Segundo as cifras deste documento contable o bigoberno  “tan só se executou o 4,76% € dos 661.464,84 euros previstos”.

O concelleiro popular explicou como “quedaron sen executar os 125.000 € asignados para compra dunha retroexcavadora e unha pala; e dos 500.000 reservados para a pavimentación de camiños só se gastaron 31.464 € quedando o 93,64% sen executar e o mesmo ocorre coa partida que tiñan para o abastecemento de parroquias, os 36.417,37€ nin se tocaron”.

Á vista deste fiasco o popular reclama que os 661.464,84 € que non gastaron os destinen a asfaltar a aglomerar en quente pistas en mal estado das parroquias. Os populares explican que cunha media de gasto por metro lineal de 38€ estaríamos falando de que se poderían acondicionar, en condicións, uns 20 quilómetros da rede viaria da zona rural. “É unha extensión importante se temos en conta que as obras que o bipartito fai habitualmente son de entre 500 a 2 quilómetros de lonxitude”.

Manuel López lamenta que “para o bipartito as parroquias que forman parte do Concello e os veciños que residen nelas parecen non ter as mesmas necesidades que o resto dos lucenses que viven na cidade” puntualizando que “non é de recibo que se lles sega tratando como cidadáns de segunda cando tamén pagan impostos municipais como os que habitan no núcleo urbano”.

Responder

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies