O voceiro popular Jaime Castiñeira explica que o documento que hoxe se rexistrou abarca 5 áreas: emprego, xestión e tranparencia, servizos sociais e educación, rehabilitación e rexeneración urbana e zona rural
O voceiro do Grupo Popular Jaime Castiñeira presentou hoxe unha batería de 60 propostas para incorporar ao documento de orzamentos municipais para 2016 “son suxestións responsables e cumpribles sobre todo tendo en conta que ainda non contamos co Plan de Investimentos”. Castiñeira ironizaba coa dinámica que sigue o goberno local co debate orzamentario indicando que “non sabemos si terá máis éxito presentar este documento no rexistro da Deputación en vez do Concello” en alusión a que veñen teledirixidos dende o ente provincial.
As propostas nas que traballa o Partido Popular divídense en 5 eixos: emprego, xestión, servizos sociais e educación, rehabilitación e rexeneración urbana e zona rural.
Castiñeira indicou que as propostas relativas ao emprego que consiste en “reservar unha partida de 6 millóns de euros anuais para a creación de novas empresas, de novos empregos e o fomento da rehabilitación”. “Tratase de abrir tres liñas de apoio: A primeira dotada con 2 millóns de euros anuais para a posta en marcha de empresas innovadoras ou que non compitan con outros proxectos existentes no seu entorno. A segunda liña de axudas de 2 millóns de euros anuais para a contratación de traballadores censados no Concello de Lugo e para o fomento da estabilidade laboral e a terceira liña de 2 millóns de euros anuais para a rehabilitación de vivendas da cidade e das parroquias, con especial atención ao entorno do Camiño Primitivo e a Muralla.
As propostas dentro da liña da xestión e transparencia abarcan entre outros aspectos a redución de gastos de libre disposición das concellalías así como a elaboración dun plan a curto e medio prazo do control do gasto corrente.
Tamén, de cara á mellorar os servizos básicos do concello, os populares propoñen a convocatoria dun concurso público do ciclo da auga e a municipalización do guindastre municipal. Os populares insisten na necesidade de deseñar un estudo das posibilidades de utilización das instalacións tanto da EDAR, ETAP como do matadoiro.
Outros proxectos serían a redacción dunha nova ORCA e a elaboración dun mapa de ruidos así como dunha nova Ordenanza adaptada a este documento; rebaixar os gastos xurídicos para dedicalos a políticas de emprego e bolsas de estudos; pago do 100% das expropiacións do barrio de O Carme. Jaime Castiñeira tamén reclama que se reserve una partida para implantación de todos os trámites pendentes na administración electrónica.
No eixo de rehabilitación e rexeneración os populares inclúen 25 suxestións. Entre as relacionadas co urbanismo destacar a contratación dos estudos hidrolóxicos necesarios para aprobación do 5% e partidas para a revisión do Plan Xeral así como a actualización do Pepri .
No tocante a mellora de equipamentos os populares apostan pola construcción dun ascensor en Fontiñas; terminar a biblioteca da Piringalla ampliando os seus usos; a peonalización da calzada da Ponte; avanzar no paseo interior da muralla o desenvolvento de planes parciais para novas dotacións como o Colexio do Sagrado Corazón, o Plan parcial do solo industrial da Louzaneta, a instalación da praia fluvial así como adquisición dos terreos necesarios para completar o parque periurbano Miño-Rato; … Os populares tamén presentan outra liña de traballo para mellorar, conservar e reparar a rede viaria de Lugo establecendo un plan de actuación priorizando as que estén máis deterioradas. O Grupo Popular tamén propón elaborar un plan de renovación da rede de abastecemento de auga.
Outras actuacións que propoñen dende o Grupo Popular van encamiñadas a aproveitar os equipamentos públicos durante todo o ano como a cobertura do parque infantil de Augas Férreas, a piscina exterior de Frigsa e a instalación e cobertura dun novo parque infantil na Praza do Agro do Rolo.
En canto as suxestións para servizos sociais os populares poñen riba da mesa aumentar o seu orzamento en algo máis dun millón de euros para entre outros programas: o de axudas ao alugueiro; aumentar prazas para asistencia en persoas de dependencia; nos centros de día e nos programas de axuda no fogar e xantar no fogar. Outras accións para as que se solicita incrementar o orzamento son as axudas de emerxencia social para cubrir as necesidades básicas dos lucenses que o precisen. Neste apartado os populares teñen presentes os cheques escolares, a erradicación do chabolismo … etc
Para o rural os populares presentan 5 propostas: Afirmado, reparación, mantemento e conservación de pistas no rural; Plan de limpeza de cunetas; Mellora da sinalización e Saneamento e distribución de augas e Programa de mellora e dinamización escolas rurais.
