O PP pide ao bigobierno que se implique no tricentenario do ilustre lucense Doutor Castro

By 19 Marzo, 2021Marzo 21st, 2021Cultura

A concelleira popular explica que co gallo do 300 aniversario da morte deste persoeiro coñecido co alcume de O Misericordioso polo seu altruismo e a súa involucración cos lucenses máis humildes “é unha boa oportunidade para lembrar e divulgar a súa vida e obra”

O Partido Popular, quere que se recupere a placa conmemorativa que identificaba a casa onde viviu e morreu o Doutor Castro situada no número 20 da rúa do seu mesmo nome (coñecida como “calle de las Dulcerías”). A concelleira popular Beatriz Vázquez fai esta petición coincidindo coa celebración do 300 aniversario do nacemento deste persoeiro ilustre de Lugo e insta ao bipartito “a aproveitar esta efeméride para poñer en valor e difundir a vida, a obra e a impronta que deixou este persoeiro na nosa cidade”.

A popular explicou que “en Lugo naceron e viviron moitos personaxes célebres do pasado, algúns son moi familiares e famosos e os lembramos con esculturas como, por exemplo, Ánxel Fole pero outros moitos son descoñecidos como é o caso do Doutro Castro”. “O único tanxible que temos para lembralo é un retrato del, no salón de plenos, e ata hai uns anos a placa que lucía na que foi a súa casa así como algunhas das sús publicacións” aclaraba Vázquez. A popular explica que “esta placa a colocou o Concello no ano 1881 logo da súa morte e de ser enterrado na Catedral de Lugo. Posteriormente foi retirada e gardada en dependencias municipais sen que se coñeza agora cal é o seu paradoiro”.

Por este motivo o Grupo Municipal do Partido Popular presentou un rogo ao PSOE e ao BNG para que “restitúan a placa conmemorativa deste lucense na que foi a súa vivienda” xa que “debemos honrar a este fillo ilustre como se merece”. Tamén se pedirá en Comisión unha implicación da área de Cultura “para poñer en valor a figura do Doutor Castro con distintos actos nos que se de a coñecer a súa vida e obra ao longo deste 2021”.

A Concelleira Beatriz Vázquez utilizaba o dito de “Es de bien nacidos ser agradecidos” para reflexionar sobre a grande débeda que temos os lucenses con todos aqueles persoeiros que como o Doutor Castro, consagraron toda a súa vida a favorecer no que puideron aos seus veciños e antepuxeron a súa vida nesta cidade mesmo renunciando a un obispado en León”.

Reseña Doutor Castro.- Juan Francisco de Castro Fernández naceu en Lugo no 1721 e foi o intelectual máis destacado da Ilustración nesta cidade chegando a ser recoñecido mesmo polo rei Carlos III. Estudou Dereito e Teoloxía en Santiago de Compostela até que se doutorou en Ávila. A meirande parte da súa vida viviu en Lugo onde gañou o apelativo de “O Misericordioso” xa que loitou toda a súa vida por mellorar as condicións dos lucenses máis humildes.

Destacar que foi o promotor dunha fábrica de cerámica e tella na saída da porta falsa de Lugo para dar traballo os veciños máis desfavorecidos. Tamén denunciou cos seus “Discursos críticos coas leis” e outros artigos as malas condicións dos campesiños lucenses. Foi abogado da Real Audiencia do reino de Galicia aínda que mesmo axudaba sen cobrar aos veciños nos seus pleitos.

Leave a Reply

1 × five =

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies