Seguridade

O PP pide á subdelegada que recorde a Lara Méndez a importancia de que Lugo se sume á rede VioXén 

By 21 Marzo, 2021Sin comentarios

A concelleira do Grupo Municipal do PP Macamen López lamenta a política de xestos de Méndez no que se refire á violencia de xénero, que nunca se reflicte en feitos, como a adhesión de Lugo a este protocolo que redundará nunha maior protección das vítimas de violencia de xénero

A concelleira do Grupo Municipal do Partido Popular no Concello de Lugo, Macamen López, segue a insistir na necesidade de que Lugo se una ao Vioxén, unha rede que traballa de xeito ordenado e coordinado na protección das mulleres vítimas de violencia de xénero.

Macamen López recalca a urxencia de que Lugo se una a esta rede, unha unión que se aprobou no pleno de outubro de 2019,a iniciativa do PP, pero semella que Lara Méndez prefire que o Concello de Lugo siga sen unirse a este plan, a pesar de que esta mesma semana a subdelegada do Goberno, Isabel Rodríguez, destacou a importancia de que os concellos se unan ao VioXén. “Levamos moitos meses agardando a que se unan ao VioXén, a ver se agora que un cargo do PSOE destaca a súa importancia, Lara Méndez se decata da súa importancia e une a Lugo a esta rede”, subliñou.

A concelleira popular recorda que a maior parte dos concellos da provincia que teñen policía local están adheridos a este protocolo de colaboración, asinado no ano 2006 entre o Ministerio do Interior e a FEMP, xa que é unha ferramenta que ofrece aos concellos con policía local a posibilidade de establecer colaboración entre corpos de seguridade do Estado e a Policía Local para brindar unha protección maior ás mulleres vítimas de violencia de xénero.

Por este motivo, o Grupo Popular formulará novas preguntas en comisión para coñecer se o goberno local iniciou os trámites para que Lugo se una ao protocolo VioXén e, en caso afirmativo, cales son os trámites realizados ata o momento. Macamen López subliña que a protección das vítimas da violencia de xénero “é unha tarefa fundamental para toda administración pública”.

Responder

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies