Cultura

O PP leva a pleno a contratación de Def Con Dos que considera unha provocación do BNG avalada polo PSOE

By 16 Xullo, 2019Xullo 24th, 2019Sin comentarios

O Grupo popular presentará unha proposición a pleno para que o PSOE e Méndez se posicionen a favor ou en contra de gastar diñeiro público en pagar actuacións a unha agrupación cuxo cantante foi condeado por enaltecemento ao terrorismo e tamén, se está a favor ou en contra, de pagar autobuses para asistir dende Madrid a este evento.

Ramón Carballo asegurou que “moito nos tememos que ou Lara Méndez é cómplice desta provocación faltando ao respecto aos cidadáns ou ben, a alcaldesa e o PSOE se deixan someter á imposición do seu socio de goberno deixandolle facer ao BNG o que lle quere na área de cultura”.

O popular manifestou que “parécenos unha tomadura de pelo que o BNG se aferre á liberdade de expresión para xustificar esta contratación cando estamos falando dun cantante condeado polo Tribunal Supremo”. Carballo explicou que “dende o minuto un o BNG politizou unhas festas que deberían ser de todos” aclarando que “moito nos tememos que esta será a tónica das futuras patronais de Lugo co visto bo do PSOE”.

Responder

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies