O PP esixe o arranxo do valado do paseo Álvaro Cunqueiro, tras dous meses roto, para evitar caídas

By 5 Novembro, 2019 Obras, Urbanismo

O concelleiro do Grupo Municipal do PP Rafael Pérez denuncia que esta situación “é un grave perigo” para os centos de rapaces que cada día pasan por esta zona, xa que se trata da única vía de acceso ao colexio do barrio de A Ponte

O concelleiro do Grupo Municipal do Partido Popular no Concello de Lugo, Rafael Pérez, esixe ao bigoberno o arranxo inmediato do valado do paseo Álvaro Cunqueiro para evitar calquer risco de caídas ao río, unha valado que leva dous meses nesa situación sen que desde o Concello de Lugo se realizase algunha actuación ao respecto, salvo colocar unha cinta de plástico.

Rafael Pérez recorda que este valado xa se puxo tras unha petición do Grupo Municipal Popular, xa que era “urxente” colocar unha barreira de protección para os peóns neste punto xa que se trata dunha rúa pola que se accede ao colexio do barrio da Ponte. “Esta actuación é prioritaria xa que a diario pasan por esta zona centos de nenos e é imprescindible asegurar a súa seguridade”, explicou. Ademais, engade que non realizar esta actuación de forma urxente será “unha imprudencia”.

O concelleiro popular aproveita a ocasión para solicitar ao bigoberno que aproveiten os traballos de reparación do valado para “homoxeneizalo”, xa que unha parte é de madeira e outra de metal. “Se o bigoberno presume dun Lugo verde, que menos que este elemento que está pegado ao río sexa uniforme e dun material acorde á zona na que se atopa, polo que sería conveniente que todo o valado fora de madeira”, sinala.

Rafael Pérez tamén aproveita para denunciar “as chapuzas” do bigoberno, que poucas semanas despois de que tapasen un bache de grandes dimensións, nas proximidades da igrexa de San Lázaro, que se produciu por unha fuga de auga, agora amosa “un aspecto lamentable” xa que o bache está de novo na estrada e a grave invade a estrada, provocando “dificultades aos condutores”, polo que esixe un arranxo “inmediato e en condicións” para evitar novas molestias aos lucenses.

Responder

1 + nineteen =