InfraestruturasUrbanismo

O PP di que a falta de terreos en Duquesa de Lugo provoca a resolución do contrato do  desdrobramento pendente dende hai catro anos

By 13 Novembro, 2020Sin comentarios

O voceiro popular, Ramón Carballo asegura que “a incapacidade de Méndez de poñer a disposición da Deputación terreos para o desdobramento de Duquesa de Lugo vén de provocar a resolución do contrato da obra tras catro anos de tramitacións inservibles”

O PP di que a incompetencia e ineficacia de Méndez, incapaz en catro anos de poñer a disposición os terreos para o desdobramento de Duquesa de Lugo,  apraza outra vez máis a execución desta obra. O voceiro popular, Ramón Carballo, e o voceiro provincial, Javier Castiñeira, anunciaron que presentarán preguntas en ambas administracións para clarificar o futuro deste acceso principal de Lugo que “segue sen prazos de execución logo de que a deputación veña de resolver o contrato coa empresa adxudicataria.

Os populares manifestaron “sendo dúas administracións amigas onde goberna o PSOE e o BNG “resulta incomprensible que non haxa colaboración, eficacia e dilixencia. “Debería caerlles a cara de vergoña xa que están eternizando a execución dunha obra pola incompetencia da alcaldesa de entregar os terreos para facer esta actuación”, aclararon Carballo e Castiñeira.

Os populares queren saber “en que estado se atopa a posta a disposición dos terreos, os prazos que baralla para facer estas xestións e cales foron os problemas que tivo a alcaldesa, dende decembro de 2016, para facerse con estes solares”.

Os populares lembran como o desdobremento de Duquesa de Lugo debería levar dous meses en servizo e, coa situación actual, moito nos tememos que Méndez acabará o mandato coa obra sen facer.  “Aquí non poden botar balóns fóra e culpar de incumprimentos de prazos á Xunta”, concluian.

Dende o PP aseguran que “semella que a alcaldesa ten animadversión a mellorar os principais accesos de Lugo” lembrando que nun caso semellante está a obra da rotonda de Alfonso X coa N-VI onde tamén hai atrancos para facer a intervención porque a alcaldesa non pon a disposición do goberno de España os terreos que se precisan.

Responder

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies