EconomíaZona ORA

O PP desmárcase da pretensión dos socialistas de manter a Ora e o guindastre en mans das empresas da Pokemon

By 26 Outubro, 2015Xaneiro 13th, 2016Sin comentarios

Castiñeira asegurou “estar escandalizado” polo  empeño do goberno socialista de “manter o vello sistema de ordenación do aparcamento da ORA así como, pola intención que tiñan de seguir prorrogando a Cechalva o servizo do guindastre municipal, cuxo contrato remata o 30 novembro”

O voceiro do Grupo Popular lamenta o empeño do goberno socialista de manter o vello sistema da ORA de pago sospeitando que se “pretenda teledirixir un contrato coa mesma empresa que prestou este servizo no concello de Lugo durante seis anos”. “É unha tomadura de pelo que intenten facer unha adxudicación enmascarada con esta empresa implicada na Pokemon”, reflexionou Castiñeira.

O voceiro popular apuntou que Doal, filial de Vendex, competirá nunhas condicións moi vantaxosas fronte a outros aspirantes xa que “utilizou neste periodo equipos e maquinaria que o concello agora  permitiu que se apropiase ao non facer a liquidación cando lle suspende a prestación do servizo” e ademáis “por si esto fóra pouco, ao estar traballando como modelo coa ordenanza que tiña o anterior goberno municipal, se poderían ampliar as plazas de aparcamento do sistema ORA proporcionándolle uns maiores beneficios”.

O voceiro popular Jaime Castiñeira tamén manifestou que o seu grupo non aceptará chantaxes como o que hoxe intentou a alcaldesa “poñendo de parapeto aos traballadores do servizo ORA afirmando que si non se fai o contrato non se subrrogarían a estes empregados”.

Castiñeira lamenta que a alcaldesa intente impoñer o seu criterio en relación á comisión convocada para mañá polos socialistas “coa idea de forzar áos grupos da oposición a aceptar a súa proposta de facer un contrato á mesma empresa e de forma paralela abrir o proceso de municipalización”. O popular afirma que a xuntaza será “un paripé absoluto” porque a alcaldesa recoñeceu hoxe, na comisión de voceiros, que “se decida o que se decida, ainda que sexa en minoría, levará ao pleno do xoves a iniciativa socialista”.

No transcurso da xuntanza de voceiros tamén se falou  do servizo do guindastre municipal. Castiñeira indicou que a alcaldesa fixo un recoñecemento  “de forma explícita” que a súa intención era prorrogar o servizo do guindastre. O popular  lembrou que  “os socialistas, a estas alturas, non deron nin un só paso para iniciar o expediente de municipalización acordado no último pleno”. Castiñeira destacou que a concesión deste servizo a Cechalva conclúe o 30 de novembro polo que se descoñece o que vai pasar con este servizo a partir do 1 de decembro.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies