TráficoUrbanismo

O PP critica a lentitude do bigoberno á hora de iniciar o repintado da sinalización horizontal de Lugo

By 11 Xaneiro, 2020Xaneiro 13th, 2020Sin comentarios

O concelleiro do Grupo Municipal do PP Rafael Pérez explica que dende o bigoberno o único que fan é empregar calquer tipo de escusa para ocultar a falta de planificación á hora de executar algo tan necesario como a renovación de todas as marcas viarias da cidade

O concelleiro do Grupo Municipal do Partido Popular no Concello de Lugo, Rafael Pérez, lamenta a pouca previsión do bigoberno local á hora de afrontar o repintado da sinalización horizontal de Lugo.

Rafael Pérez explica que o bigoberno está a demorar esta necesaria renovación das marcas viarias da cidade escusándose en que chegaron máis ofertas das agardadas. “É curioso que agora o repintado se demore no tempo porque teñen que estudar máis documentación da agardada, algo que xa xera certas dúbidas”, sinalou.

O concelleiro popular recorda que os lucenses levamos máis de catro anos agardando por un plan de repintado integral da cidade xa que “é imprescindible” e é algo que dende o Grupo Municipal Popular levamos anos solicitando.

Neste senso, o popular urxe a iniciar no menor tempo posible o repintado de toda a cidade xa que a “mala visibilidade e a sinalización deficiente foi unha conta pendente dos socialistas” que semella que agora perpetúan dende o BNG. “Lamentablemente todos os barrios teñen exemplos de pasos de peóns borrados e incluso hai zonas nas que a pintura está tan gastada que nin se aprecia”, sinalou.

Ademais, Rafael Pérez aproveita a ocasión para instar ao bigoberno a que cando inicien este plan de repintado da sinalización horizontal da cidade se teña en conta a proposta reiterada en numerosas ocasións dende o Grupo Municipal Popular “e que defendemos na pasada campaña das municipais” como son as liñas avanza moto, que permiten a estes vehículos posicionarse nun punto de partida na regulación semafórica o que lles garante o inicio da marcha sen interferir co resto de automóbiles, unha medida moi interesante a contemplar nas zonas con maior densidade de tráfico, como poden ser a Avenida da Coruña, a rúa Vilalba ou Miguel de Cervantes, entre outras.

Responder

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies