O voceiro popular considera esta estratexia do bigoberno como “unha iniciativa interesante e positiva” lamentando que “a alcaldesa rexeitase, con anterioridade, impulsar este programa de atracción de empresas tal e como leva reclamando o PP, a través das súas achegas aos orzamentos municipais, así como na iniciativa que defendemos en maio dentro do paquete de medidas para paliar efectos da Covid”

O voceiro do Grupo Popular avanzou que o seu grupo apoiará, no pleno extraordinario que se vai celebrar o vindeiro venres, á proposta do bigoberno para mobilizar  12 millóns de euros para atraer a Lugo empresas.

Ramón Carballo afirma que “se trata dunha iniciativa positiva para Lugo” malia que lamenta “que non se fixera moito antes”. Nese senso, o popular lembra como “dentro das achegas feitas polo Grupo Popular, de forma reiterada nos últimos anos á alcaldesa de Lugo, para incorporar aos orzamentos sempre reclamamos unha partida para facer un programa de captación de empresas e xeración de emprego”.

O popular tamén explicou que “logrou o compromiso da rexedora para que antes de finalizar o ano nos facilite o prego de condicións desta estratexia”. Para o voceiro popular na comisión de contas que se celebrou esta mañá “quedou en evidencia que ainda quedan moitos flecos sin dilucidar desta estratexia” e insiste en que “en aras á transparencia hai que establecer mecanismos para facer un seguimento de onde van ir parar os 12 millóns de euros que se mobilicen”. No Partido Popular “non asinamos cheques en branco senón que queremos claridade sobre os requisitos e forma de selección de empresas que reciban axudas así como o control dos recursos”.

Leave a Reply

five × 5 =

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies