Os populares din que “unha vez máis perden as formas” en alusión a que se entregou antes a información aos medios de comunicación ca aos grupos da oposición
Dende o Grupo Municipal do PP queremos trasladar o noso malestar polas formas coas que o bipartito presenta os orzamentos municipais para o vindeiro exercicio “ofrecendo a información antes aos medios de comunicación que aos grupos da oposición”.
Unha vez máis a súa forma de actuar retrata o seu talante “de trágala” e acredita que “dende o minuto un renuncian a dialogar”. “É unha mágoa que, nestes tempos de crise sanitaria e económica, rexeiten a traballar de forma conxunta e aparquen o diálogo”. “O lóxico sería traballar sobre un borrador que facilitase o bigoberno para que pudiésemos facer achegas ao documento e chegar a consensos”.
Lembrar que o Grupo Popular presentou o pasado 5 de novembro unha batería de 47 propostas para incorporar a este documento contable destacando “aquelas relativas a apoiar aos sectores máis afectados pola pandemia, así como reservas de partidas para cuestións relacionadas coa protección social para que “ninguén quede fóra”. Ata o momento non deron resposta a nin unha soa destas propostas.
