O voceiro do Grupo Municipal do PP, Antonio Ameijide, asegurou que “pediremos explicacións ao goberno local para sabe como se chegou a esta situación e das medidas a adoitar xa que cómpre revertir esta situación”
O voceiro do Grupo Municipal do Partido Popular no Concello de Lugo, Antonio Ameijide, amosou hoxe a súa “gran preocupación” trala publicación do informe de transparencia municipal que realiza Transparency International e no que “o Concello de Lugo descendeu 10 postos en tres anos e perdeu máis de medio punto”.
Antonio Ameijide lamenta “a baixa puntuación en canto a transparencia, de só 71.9 puntos, que acada o Concello de Lugo polo que é preciso tomar medidas urxentes para trocar o necesario e así revertir a situación”.
Neste senso, o voceiro popular anunciou que “pedirá as explicacións oportunas ao goberno local” e urxirá ao equipo de goberno “a facer do Concello de Lugo unha administración transparente”.
Antonio Ameijide amosa a súa preocupación “xa que o Concello está a case 20 puntos do que se consideraría o mínimo esixible para a administración en canto a transparencia”.
Ademais, un dos datos máis preocupantes para o popular é “a caída en tres anos de case 27 puntos en transparencia en materia económica e financieira”.
Ameijide sentenció mostrando a súa “preocupación por tódalas novas que rodean ao goberno local que segue estancado sen escoitar ao pleno e aos cidadáns, mantendo unha parálise absoluta”.
