ObrasTransparencia

O PP afirma que a avaría eléctrica do Concello de Lugo destapa a precariedade das súas instalacións

By 29 Agosto, 2017Sin comentarios

O voceiro popular Antonio Ameijide insiste na necesidade de reforzar o persoal do servizo electromecánico, desmantelado nestes 18 anos de goberno socialistas,  xa que dos 16 oficiais e 2 enxeñeiros que había tan só quedan dous operarios e, un deles,  xubílase dentro de ano e medio

O voceiro do Grupo Municipal do PP Antonio Ameijide afirma que as últimas avarías eléctricas destapan “graves deficiencias nas instalacións e nos xeradores de diferentes dependecias municipais como no edificio administrativo da Ronda ou a nova sede da policía local”. Antonio Ameijide explicou que é incomprensible a incapacidade dos socialistas en arranxar os problemas da caída do sistema que sufriu cortes, de longa duración, ata en tres ocasións.

Ameijide explicou que a raiz das incidencias se destaparon fallos ocasionados polas obras parche que realizaron varias empresas en edificios municipales puntualizando que “por exemplo no administrativo da Ronda ao desconectar o diferencial hai fases que, sorprendentemente, seguen encendidas”. O popular tamén explica que é unha tomadura de pelo que o xerador da policia local non arrancase porque non tiña batería. Para os populares “estas chapuzas responden á política de desmantelamento coa que durante os últimos 18 anos os socialistas asfixiaron ao Servizo Electromecánico”. “Pasamos de 16 operarios e 2 enxeñeiros a contar tan só con dous efectivos, e un deles a corto prazo xubílase” indicou Ameijide.

Os populares recriminan aos socialistas que optasen por privatizar e desmantelar este servizo en vez de reforzalo, algo que tamén criticaron os propios traballadores de forma reiterada, para evitar despropósitos e ilegalides como foron “os 4 anos que estivo sen legalizar a reforma do edificio administrativo da ronda da muralla cando se incorporaron novos elementos como a cortina de aire do acceso principal ou o ascensor ou mesmo as ilegalidades na instalación eléctrica da reforma da Praza feitas ao amparo do Plan Urban.

Antonio Ameijide reclama que se dote de medios humanos e materiais necesarios tanto ao servizo electromecánico como ao informático para evitar que se repitan os problemas na atención aos veciños  e usuarios da administración electrónica. “Poderíamos atoparnos con casos de inseguridade xurídica” matizou o voceiro do PP en alusión a lucenses que precisen algunha xustificación de trámites feitos a través da administración electrónica.

“O goberno socialista fixo as cousas mal dende o primeiro momento, fixo oídos xordos ao persoal do servizo electromecánico e agora amontónanse os problemas froito das continuas chapuzas” matizou o popular. Ao estado precario das instalacións eléctricas hai que sumar os problemas vividos polo retraso da verificación de facturas e que supuxo cortes de luz en varios edificios como o MIHL, a piscina Frigsa e en 3 centros  sociais do Concello.

Por último o voceiro dos populares eloxiou o esforzo do departamento informático e dos electricitas municipais dos que destacou a súa profesionalidade e insistiu en que “non se pode tolerar que en pleno século XXI unha administración sexa incapaz de reaccionar de forma efectiva e rápida” matizando que “a situación actual responde á política de parches que caracteriza aos socialistas”.

 

Responder

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies