 |
 |
 |
 |
 |
 |
 |
 |
 |
 |
O Grupo Municipal Popular critica que a falta de control do gasto obrigue a Orozco a pagar sistematicamente facturas de anos anteriores |
|||||
|---|---|---|---|---|---|
17/12/2009 |
|||||
|
|||||
|
|||||
O grupo popular demanda aos concelleiros socialistas maior responsabilidade no manexo dos diñeiros de todos os lucenses, máxime ante a baixada da recadación do Concello de Lugo por causa da crise económica. A popular Cristina Ares indicou como este ano, engádense aos presupostos gastos executados ao longo dos exercicios 2004, 2005, 2006, 2007 e 2008 que non foron imputados ás respectivas partidas dos orzamentos entón vixentes. Para a edil popular hai unha falta de control que se repite con certa frecuencia "xeralmente por omisión do deber de verificar a existencia de crédito orzamentario e seguimento na execución do gasto", como pon de manifesto o informe de intervención sobre este asunto. |
|||||
Ares aclara que o recoñecemento extraxudicial de créditos, consistente na incorporación ao orzamento vixente de gastos realizados en anos anteriores, é un mecanismo que a lei prevé como excepcional para a protección dos provedores. |
|||||
Con todo, o equipo de Orozco aplícao de forma recorrente, algo censurable porque supón unha quebra do propio concepto de orzamento e dos principios de anualidade e especialidade que sinalan o artigos 176 e 172 respectivamente do Real Decreto Lexislativo 2/2004, de 5 de marzo, polo que se aproba o Texto Refundido da Lei Reguladora das Facendas Locais, ao imputarse gastos ao orzamento do ano seguinte por non existir crédito no orzamento de orixe. |
|||||
