O foro de igualdade que se celebrou esta mañá apoiou a proposta do Grupo Popular para celebrar un certame narrativo en materia de violencia entre escolares do municipio, de entre 12 e 17 anos.

A concelleira, Sofía López, presentou esta iniciativa co obxecto de que na xornada na que se celebra o "Día Internacional contra a violencia sobre as mulleres" (25 de novembro) o manifesto público e institucional do Concello sexa o texto do gañador ou gañadora deste concurso. A lectura faraa o candidato ou candidata seleccionada.

A edila popular subliñou que "a importancia do espírito desta iniciativa é motivar á reflexión dos nenos sobre a necesidade de fomentar os valores da igualdade".