O Grupo Municipal Popular criticou ao Goberno Local por entregar unha información incompleta "tan borrador é, que nos falta máis da metade da documentación: entre outros informes o do plan de investimentos" puntualizou Jaime Castiñeira, quen tamén recordou que non se lles facilitaron os datos sobre o grao de execución dos actuais orzamentos que se solicitaron por escrito o pasado día 20 de outubro. Para o concelleiro popular actitudes como estas evidencian "ás claras" cal é o grao de consenso que pretende alcanzar o Goberno Local co seu grupo.

Cos datos que se lles proporcionou, os concelleiros do Grupo Popular conclúen que é nula a redución en gasto corrente, tan só diminuíu o que corresponde aos intereses financeiros pola baixada de tipos de interese.

En canto á cifra global de investimentos subliñou que hai unha rebaixa dun 44% con respecto aos orzamentos do ano 2009. De seguir a tendencia da recesión económica "nun par de anos os ingresos non van dar para cubrir o gasto corrente", sentenciou Castiñeira. Nada que fallen as previsións de ingresos para o 2010 podemos quedar con investimento cero.

Os populares tamén fixeron unha comparativa das partidas que se destinaban a investimentos no último goberno do PP do ano 99. Naquel momento representaban un 23 % sobre o total do orzamento. No proxecto de 2010 tan só é dun 13%.