O goberno local comprometeuse esta mañá a trasladar á Deputación e á Confederación Hidrográfica as propostas do PP para habilitar postos de pesca accesibles no Miño así como para estudar o acondicionamento de aparcadoiros no punto que xa está habilitado en Ombreiro.

A popular Sofía López Linares, que presidiu a comisión que tivo lugar hoxe, tamén arrincou o compromiso do goberno local de elaborar un informe e articular a fórmula para achegar aos domicilios de discapacitados ou dependentes material de entretemento.

Sofía López criticou que o goberno local rexeitase hoxe pór en marcha un servizo municipal de canguros. A edila popular subliñou que "xustifican a súa negativa por falta de fondos" e recalcou que "esta iniciativa de conciliación familiar prometeuse que estaría en marcha en 2005".