Web del Grupo Municipal del Partido Popular del Ayuntamiento de Lugo

Novas e actualidade

	O Grupo Municipal Popular insta ao Goberno Local a formar un equipo de traballo para apurar as correccións do Plan Xeral
	17/11/2009

	Castiñeira pídelle ao Alcalde que traballe coa mesma vontade e tesón que demostrou cando asinou, en tempo record, o convenio das torres das costas do parque. Os populares afirman que a Xunta dá o visto e prace ás achegas feitas desde o grupo vía alegacións ou a través das comisións de traballo.


	O Grupo Municipal Popular pediu que se forme un equipo de traballo, composto por técnicos municipais e o equipo redactor do Plan co ánimo de axilizar o cumprimento dos requisitos do informe que enviou a Xunta respecto ao Plan Xeral de Lugo. Os populares reclaman que se manteña informado aos grupos da oposición a través da comisión de achaiadura. A Jaime Castiñeira chámalle a atención que o goberno de Orozco diga que "o seu tope de competencias está esgotado". Para o edil popular estas declaracións reflicten as "poucas ganas que ten de traballar o equipo de Orozco" deixando a relucir "que o que está esgotado é o seu Goberno".

	Os populares consideran que é o Alcalde o único que ten que marcar o ritmo: "se se traballa no Plan Xeral co mesmo afán que se tivo para asinar o convenio das torres das costas do parque o documento podería estar listo antes de entroido". O concelleiro popular insiste en que "a velocidade de cruceiro establécea o goberno local. Esperemos que neste asunto non se apoltronen, tal e como están facendo para convocar unha nova reunión co promotor dos edificios do Garañón".

	O Grupo Municipal Popular explicou que "en liñas xerais o informe dá o visto e prace as modificacións que o Partido Popular puxo sobre a mesa, ben a través das súas alegacións, ben nas comisións de traballo celebradas para pechar o documento". Jaime Castiñeira enumeraba algunhas delas: Legaliza entreplantas Fóra de ordenación (por alturas, por fondos, edificios en polígonos, modificación de viarios que afectan a edificios en distintos barrios") Chans urbanos consolidados como Gándaras, estrada de Ombreiro, Albeiros" Dá o visto e prace ás propostas achegadas polo PP para barrios como o Fejóo onde se mantén o trazado de rúas con prazas interiores; edificios en Rei Don García" Os populares bríndanse, unha vez máis, a colaborar e traballar tal e como fixeron desde o momento no que o Goberno Local decidiu abrir a participación. Hai que recordar que o papel do Grupo Popular foi moi activo á hora de modificar os numerosos erros que presentaba o documento inicial do PSOE e que a intervención do PP salvou miles de vivendas de quedar afectadas polo Plan.