 |
 |
 |
 |
 |
 |
 |
 |
 |
 |
O Grupo Municipal Popular cre que a contratación, agora, dun estudo topográfico da leira do Garañón demostra que a operación urbanística fíxose a bulir e sen rigor |
|||||
|---|---|---|---|---|---|
16/11/2009 |
|||||
|
|||||
|
|||||
O Grupo Municipal do Partido Popular pediu esta mañá ao goberno local a convocatoria dunha reunión inminente co promotor das torres das costas do parque "o Concello parece non ter ningún interese en buscar unha solución para rebaixar as alturas destes edificios, pasaron xa tres semanas desde a última reunión", recordou Castiñeira "e seguimos sen data". Os populares tamén puxeron de manifesto a súa sorpresa pola contratación o pasado venres en xunta de compras, do levantamento topográfico da parcela da polémica urbanización do Garañón. Para Castiñeira con esta contratación o goberno recoñece que "a operación das torres das costas do parque fíxose de présa e correndo pondo en cuestión que o expediente tivese todo o necesario para darlle o visto e prace". |
|||||
"O goberno local demostra, con esta actuación, que o levantamento topográfico que no seu día se presentou no PERI non é fiable". Castiñeira engadiu que "para o que si serviu foi para xustificar o incremento da superficie da unidade de actuación en máis de 450 metros sobre os que figuraban no Plan Xeral". |
|||||
O concelleiro Jaime Castiñeira arremeteu contra Orozco e o seu equipo: "como é posible que a estas alturas esteamos falando dun estudo topográfico que tiña que estar feito no PERI aprobado en solitario polo goberno socialista, o 7 de novembro de 2005"". Os populares expresaron a súa perplexidade "logo, ninguén o comparou"". |
|||||
