Trátase da segunda reunión que se organiza este mes para tratar diversos temas de interese. Neste caso, a concelleira Cristina Ares informou aos asistentes das actividades e propostas que desde o Grupo Municipal Popular estanse levando a cabo, achegando así aos mozos os diferentes ámbitos de acción do Partido Popular en materias de interese como novas tecnoloxías e medio ambiente.

Na anterior cita o presidente de SOGAMA, Luís Lama, achegou aos mozos populares unha visión do traballo realizado pola Sociedade Galega do Medio Ambiente, ademais de transmitirlles a súa experiencia dentro de Novas Xeracións de Lugo, que presidiu no pasado.

Estas reunións tiveron ademais dun carácter informativo, un carácter organizativo no cal Pablo Flórez, responsable local da agrupación, coordinou xunto ao resto de asistentes a definición dun calendario de traballo de face aos próximos meses.