Como cada ano por estas datas, os estorniños chegan a Lugo e causan aos veciños de varias zonas da cidade numerosas molestias. Ademais do ruído nocturno das bandadas, a presenza destas aves incomoda á veciñanza, pola sucidade e o cheiro dos excrementos que xeran. O seu rastro é palpable, tanto no mobiliario urbano como nos vehículos que aparcan na zona do parque da Milagrosa ou no Rosalía de Castro e proximidades.

Ante esta circunstancia a concelleira popular Teresa Taboada puxo en cuestión o sistema utilizado polo Concello para espantar os estorniños das zonas de Lugo onde se concentran as aves. A popular reclama que ademais das medidas disuasorias o Goberno Local proceda á limpeza urxente do mobiliario urbano deteriorado polos excrementos dos estorniños.

O grupo popular recorda que desde o ano 2006 o Goberno Local contratou a unha empresa para afastar aos estorniños que aniñan no parque da Milagrosa e Rosalía "e a vista salta que está fracasando no seu labor" polo que cobra 11.014 euros ao ano.