Web del Grupo Municipal del Partido Popular del Ayuntamiento de Lugo

Novas e actualidade

	García Díez pide "prudencia e axilidade" sobre as recentes detencións de funcionarios do Concello de Lugo
	01/10/2009

	García Díez pide separar as actuacións xudiciais, para as que pide respecto e máxima dilixencia, de forma que canto antes se clarifique "o capítulo de culpables e inocentes". O portavoz do Grupo Municipal Popular pide que non se "estendan" xuízos de valor que xeneralicen unha condena social a colectivos.


	Respecto das recentes detencións vinculadas á trama de prostitución o portavoz do Grupo Municipal Popular, Joaquín García Díez, pediu hoxe "o máximo respecto e a máxima dilixencia para as actuacións xudiciais". García Díez pide que se clarifique canto antes "o capítulo de culpables e inocentes polo ben das persoas implicadas e especialmente polas institucións e corpos aos que pertencen". En calquera caso, os populares apuntan a que a existencia dun ou varios casos de presunta corrupción, en ningún caso poden servir para que se faga unha condena xeneralizada dun corpo ou unha institución.



	Joaquín García Díez, consciente de que hai funcionarios do Concello de Lugo implicados na trama, suxire que o Goberno Local estude a posibilidade de adoptar preventivamente a apertura de expedientes informativos para aclarar a situación dentro do propio Concello.



	O Grupo Municipal Popular, pola súa banda, non caerá na trampa de violar a presunción de inocencia e buscar réditos políticos dun procedemento xudicial que segue aberto e que pode marcar socialmente a persoas que, de ser inocentes, verán moi complicada a restitución da súa dignidade e o seu bo nome.