O Grupo Municipal do Partido Popular criticou a "falta de valentía e de confianza nos lucenses" do Goberno Local que coa súa negativa a organizar o abrazo colectivo da Muralla, neste noveno aniversario, demostra é "que non ten confianza en conseguir que un grupo dunhas 2.000 persoas poda acudir a un acto debidamente convocado".

Joaquín García Díez mostrou a súa indignación pola falta de confianza que teñen Orozco e os seus nos lucenses "é moito máis preocupante o seu pesimismo polo compromiso dos veciños que a súa falta de proxectos para a cidade", puntualizou o portavoz popular.

Os argumentos cos que xustificaron os socialistas o seu voto negativo soan a desculpas de mal pagador "necesitan tempo e diñeiro". O tempo non o quixeron ter cando o había e o diñeiro, neste caso, lográbase coa oferta do grupo popular que cedía a súa asignación para organizar este evento.