O Grupo Popular reclamou esta mañá a convocatoria "inmediata" dunha nova reunión para seguir negociando unha solución que rebaixe as alturas dos edificios do Garañón.

"Para convocar a primeira reunión tomáronse o seu tempo. Tardaron 16 días logo de validar o acordo do Pleno por iniciativa do PP. Desde o 22 de outubro nada soubemos dunha nova reunión e xa van doce días", puntualizaron os populares.

O concelleiro do Grupo Popular Jaime Castiñeira, indicou que ofreceu a súa colaboración aos servizos técnicos municipais para achegar ideas para rebaixar alturas dos edificios do Garañón.

O Partido Popular apoiou onte a declaración do parque como BIC. No debate plenario os populares criticaron a nula coherencia dos socialistas. O concelleiro popular Jaime Castiñeira, preguntou por que o Alcalde non pediu antes esta declaración: "tivo seis anos para solicitalo antes de asinar o convenio co promotor". Os populares temen que "agora a petición do goberno socialista poida bordear a legalidade".