Web del Grupo Municipal del Partido Popular del Ayuntamiento de Lugo

Novas e actualidade

	O Grupo Municipal Popular retira de forma temporal a comparecencia de Novo no pleno "para non interferir na negociación para rebaixar as Torres de Orozco"
	01/11/2009

	Os populares, nun exercicio de responsabilidade co que pretenden afastar calquera sospeita de interferencia, pretenden cooperar en lograr un ambiente propicio para o acordo. O PP, con todo, non descarta reiterar esta petición se finalmente non se alcanza acordo.


	O Grupo Municipal Popular, "para non interferir na negociación para rebaixar as chamadas Torres de Orozco das costas do Parque" retirou esta mañá, na xunta de portavoces, a petición de comparecencia da edil de urbanismo María Novo. O portavoz popular, Joaquín García Díez, explicou que quedou en "suspenso de forma temporal" pero advertiu que se rompen as negociacións, que se iniciaron a instancia dos populares, recuperarán a iniciativa.



	Abrazo á Muralla.- Os populares levarán ao pleno do luns unha iniciativa para realizar dentro dos actos de conmemoración da Muralla, o próximo día 30 de novembro, un "abrazo colectivo á Muralla". Trátase de organizar unha cadea humana ao redor do monumento implicando a distintos colectivos sociais.

	Guindastre.- Outra iniciativa que defenderán na sesión ten que ver coa nefasta xestión do guindastre municipal. Os populares reclaman que se renegocien as condicións coa empresa adxudicataria para frear o buraco económico que xera para o Concello este servizo.