• Os populares cren que con esta cadea humana realzarase esta celebración "pouco valorada e promocionada polo goberno local desde hai anos".
• A proposta tratarase no próximo pleno tras a negativa de Orozco a convocar unha comisión específica para organizar os actos desta efeméride.

Os populares explicaron que o seu grupo vese obrigado a presentar esta proposta a pleno ante da negativa de Orozco a convocar unha comisión específica para preparar os actos conmemorativos deste aniversario. Os populares recordan que existe un acordo de pleno de decembro de 2008 nese sentido e lamentan que "non fose respectado polo Goberno Local, que despreza as propostas e iniciativas positivas para a cidade, aínda que estas conten que o respaldo do Pleno da Corporación Municipal, actitude pouco edificante e impropia dos modos e xeitos que, cada día máis, esixen os cidadáns".

A parte dispositiva que se someterá a votación consta dos seguintes puntos:

"Convocar á cidadanía de Lugo, a través das diferentes asociacións, agrupacións, centros de ensino e organizacións da cidade, así como dos demais medios que o Goberno Local teña á súa disposición, a organizar un evento a modo de cadea humana ao redor da Muralla, que represente un abrazo simbólico ao monumento o día 30 de novembro, no que celebramos o noveno aniversario da declaración da Muralla como Patrimonio da Humanidade pola UNESCO.

Darlle a oportuna e ampla difusión a través dos medios de comunicación e internet, de face a conseguir a maior repercusión a este acto a nivel nacional e internacional".