O Grupo Municipal do Partido Popular acusa ao goberno de Orozco de "recorrer sistematicamente á judicialización da vida municipal para tapar os fracasos da súa xestión" e ocultar a incompetencia do Alcalde á hora de buscar solucións negociadas.

Para o Grupo Popular é preocupante que Lugo sexa noticia por un caso de acoso laboral "sería moito máis positivo que Orozco intente rectificar a súa mala xestión para que o municipio sexa noticia polos avances e non polos procesos xudiciais que perde".

Non hai semana na que o Concello de Lugo reciba sentenzas desfavorables. As máis recentes:

O xulgado condenou ao Concello a pagar 60 euros en concepto de plus de nocturnidade a cada axente da policía por noite traballada.

Condénase ao Concello a pagar 130 euros por saídas dos bombeiros fose do termo municipal.

Anulación do proxecto de urbanización da leira das costas do parque. Un proceso que podería derivar no pago de importantes indemnizacións.

Condena por acoso laboral (mobbing). Terá que pagar 12.500 euros por este concepto a unha traballadora"



En breve, o Concello podería ter que enfrontarse a unha nova condena por vulneración dos dereitos fundamentais doutro traballador municipal.

Os populares lamentan que o goberno local sexa incapaz de utilizar a vía da negociación e abuse dos recursos xudiciais "que o único que provocan é dilatar uns procesos que logo terán que asumir futuros gobernos". "Esa é a forma de gobernar e de resolver os problemas de persoal que ten o PSOE", puntualizou o edil popular Enrique Rozas.