O Grupo Municipal Popular manterá a petición de comparecencia no próximo Pleno da responsable de urbanismo no caso das chamadas torres de Orozco, nas Costas do Parque.

Os populares temen que o acordo logrado onte no pleno con respecto a leira do Garañón sexa "un novo xesto de face á galería".

"O cambio de táctica do señor Orozco non nos resulta crible" xa que na comisión especial de achaiadura que se convocou o pasado 30 de setembro a petición do PP, a responsable de urbanismo dixo todo o contrario e deixou ben claro que o Goberno Local non chamaría a ninguén para falar deixando en mans do propietario dos terreos dar o primeiro paso.

Os populares destacan que o Alcalde non deu prazo algún para fixar o encontro que se pedía para que se negocie co propietario das torres das costas do parque a rebaixa nos volumes das seis torres que se van a construír, por iso é polo que manteñan a petición de comparecencia.

Alzado dos edificios segundo proxecto rexistrado na Xunta de Galicia