Os populares de Lugo pedirán que o Pleno avale unha iniciativa para que se convoque unha reunión co promotor e propietario dos edificios das costas do parque, a Asociación da Defensa do Parque de Rosalía, técnicos e os grupos políticos representados no Concello.

O Grupo Popular insiste en que é posible e que aínda se está a tempo "de establecer negociacións co propietario dos terreos das costas do parque para que se rebaixen as nove alturas dos seis edificios que se están construíndo na finca do Garañón". Así o puxo de manifesto na Comisión Especial de Planeamento desta mañá o edil Jaime Castiñeira.

Réplica.-

Castiñeira respondeu a María Novo, que o acusou de facer "demagoxia con este asunto". O popular replícalle que "gobernar é tomar decisións para todos e non para un particular". A modificación dos volumes dos edificios das costas non é demagoxia, "é real e pódese negociar se hai vontade".