Na mesa de contratación na que se abriron as plicas faltaba documentación. Concedeuse un prazo de tres días para emendar os "defectos de solvencia técnica" da proposta de Novafrigsa.

A empresa Novafrigsa presentou a documentación que faltaba, acreditando instalacións, horarios, condicións ambientais" pero se cometeu un erro de forma. No sobre de "melloras e plan de xestión", de documentación técnica, incluíronse as tarifas, que terían que ir a outro departamento.

O máis grave, a xuízo do Grupo Municipal Popular, é que a empresa aspirante non subrogaba as condicións dos traballadores, condición indispensable segundo o prego de condicións.

Présas e chapuzas.-

O Grupo Municipal Popular mantén que este tema non se levou ben. "Aínda que todos compartimos que é un problema que había que solucionar, e ata apoiamos que se busquen fórmulas, parece evidente que se confirma o que vimos dicindo desde o verán, que isto se levou con nocturnidade e demasiadas présas".

Proposta de futuro.-

Ao quedar deserto o concurso o procedemento terá que reiniciarse o que dá, a xuízo do Grupo Municipal Popular, a oportunidade de que o Goberno "enmiende os seus erros".

Os populares manteñen que esta situación permite abrir un proceso de "diálogo real, e non de face á foto" con todos os interesados, e que o que se pode ver como unha mala noticia pode converterse nunha "oportunidade de mellorar" se se enfoca correctamente.

"Reiteramos a nosa disposición a participar nese diálogo, aínda que cremos que é imprescindible contar cos representantes dos usuarios e os sectores afectados para buscar a mellor solución".