O Grupo Popular pide explicacións ao Goberno Local dos motivos polos que deixaron sen asfaltar "algo máis dun quilómetro da pista que une A Brea ata o límite de Outeiro de Rei".

Os populares comprobaron que esta obra do Plan E conta cun orzamento de 143.740 euros e un prazo de execución dun mes que xa rematou. A actuación afectaba a un treito de tres quilómetros da pista que vai desde a Nacional VIN ata o límite de Outeiro de Rei por Bagueixos e A Brea.

Para o edil, Manuel López, é "impresentable" que non se complete a obra "deste eixo viario principal" da parroquia de Tirimol. Os populares critican o goberno local deixe "a medias" a obra e esixen saber se se vai a acabar e en que prazo. Os veciños están preocupados porque temen que non se retome o traballo, o edil popular pregúntase "quen ve a responsabilizarse desta desfeita"".

Os populares pon o acento nesta denuncia ao recordar que mentres se abandona a estes veciños o goberno socialista está levando a cabo actuacións que se fan ao amparo do Plan E e "non lles ruboriza nin o máis mínimo" que as pistas en cuestión cheguen, en moitos casos, ata a mesma porta da casa dos pedáneos.