O portavoz do Grupo Popular, Joaquín García Díez, critica que o Alcalde queira liderar o futuro da estación intermodal unicamente da man do Ministerio de Fomento. García Díez afirma que Orozco non buscou, en ningún momento, o apoio da Corporación e que non fixo nin o máis mínimo esforzo en buscar propostas de consenso.

A pesar de que hoxe o Alcalde informou telefonicamente ao portavoz do PP do contido da reunión, os populares consideran que debía convocarse a mesa de traballo que o PP pediu na xunta de portavoces na que se puidesen sobre a mesa diferentes alternativas. "O Ministerio debería barallar todas as opcións posibles, algo que renuncia a facer o Alcalde". O portavoz popular non considera adecuado que o Alcalde utilice a desculpa de reunir o Consello Económico e Social para xustificar que abre unha mesa de diálogo. "Todos sabemos que este formato non permite ningunha marxe de manobra".

Para rematar desde o Grupo Popular considérase positivo buscar a colaboración institucional e que se teña moi en conta a opinión da Xunta polas competencias que ten pola titularidade da estación de autobuses.