O Grupo Municipal do PP entende que o Plan E que o goberno socialista de Lugo propuña pedir á Xunta é sinónimo de malgaste.

Os populares non apoiaron esta iniciativa coa que se pretende facer unha copia do Plan de Zapatero a nivel autonómico. O Grupo Popular puxo en cuestión as obras, que de forma unilateral decidiu Orozco, e como exemplo de "auténtico malgasto" citaron a obra de Ramón Ferreiro na que se investiron 700.000 euros. Jaime Castiñeira explicou que por unha mala planificación "nin se tocou á rede de sumidoiros", que é dos anos 50 "polo que en dez anos van ter que volver meter a picaraña de novo", puntualizou o edil popular.

Os populares insistiron en que "os galegos non elixiron ao goberno do PP para facer unha copia do plan de Zapatero, nin da forma de gobernar do bipartito".

Desde o PP puxeron de manifesto que non é o mesmo ter á xente ocupada que empregada.