Os populares acusaron ao equipo de goberno de falta de previsión á hora de contratar o servizo de limpeza dos colexios, que empezarán a traballar xusto o mesmo día no que comezan as clases, pola tarde. A concelleira popular Alicia Pena explicou que o mobiliario das aulas, os servizos, e corredores acumulan o po e a sucidade dos tres meses de verán nos que estiveron pechadas as instalacións. Alicia Pena pide que, para que estean listas as aulas, contrátese con antelación ás limpadoras.

Como exemplo da mala planificación sinalou que para as fiestras dos colexios hai un retén que tamén empeza o próximo día dez o traballo "hai centros que ata novembro estarán cos cristais sucios".

Tamén, a unha semana do comezo do novo curso académico, o Grupo Popular solicita ao equipo de goberno que faga unha limpeza "en profundidade" de todas os pistas polideportivas dos centros educativos "cun sistema de aspiración". Alicia Pena, explicou que durante o ano faise un baldeo destas instalacións, o que provoca molestias porque o pavimento tarda moito en secar e impide o seu uso ao 100%.