• Joaquín García Díez abre a iniciativa ao resto dos grupos para consensuar as actuacións máis necesarias.
• Os populares centran as súas peticións en asuntos de seguridade viaria, medio ambiente e promoción do turismo.

Os populares cren que Orozco debe ter o mesmo "grao de esixencia" á hora de reclamar obras para Lugo "independentemente de que se trate do goberno "amigo" de Madrid".

Os catro puntos que a xuízo do Partido Popular deberíanse contemplar polo menos nos próximos orzamentos do Estado de 2010 son:

Estudo do necesario tratamento da nacional VIN, completando o tramo pendente entre a Tolda de Castela e Garabolos, de forma que se complete esta vía de circunvalación en todo o perímetro da cidade. Os populares consideran que esta obra é moi necesaria, "Orozco debería aproveitar a boa disposición do seu compañeiro de partido, Don José Branco, para axilizar esta petición". O portavoz popular desexa que "este proxecto non se converta noutro serial como o da nova ponte do Miño".
García Díez recordou que existe un acordo plenario, neste sentido, de novembro de 2007. O goberno local tivo dous anos para dirixirse ao Ministerio e pedirlle que realizase os estudos correspondentes para dotar de servizos, calzada e urbanización desta travesía para logo cedela ao Concello.

Unha segunda proposta é a creación dun plan de actuación, en coordinación coas outras administracións competentes, de face ao Xacobeo 2.010, sobre o patrimonio histórico-artístico de Lugo. Joaquín García Díez puxo como un exemplo de actuación inmediata a restauración e limpeza das torres da Catedral nas que crecen maleza e ata arbustos de gran tamaño.

Os populares tamén piden a elaboración dun estudo de viabilidade para dotar á cidade de Lugo dun Parador Nacional de Turismo, sendo a nosa cidade unha das poucas capitais de provincia que non contan cun.

Como cuarto punto desta iniciativa figura a concreción das actuacións necesarias para acometer o saneamento integral do río Miño, con arranxo aos anuncios feitos polo Goberno