Por terceiro ano consecutivo, dende o Grupo Municipal Popular solicítase que ao Goberno Local que manteña aberta a biblioteca municipal durante as tardes do verán. Alicia Peña puxo de manifesto que Lugo é a única cidade de Galicia que carece deste servizo durante as tardes de agosto así como os sábados.

Para a edil popular é “incomprensible” que non se atenda ás reiteradas peticións de cidadáns que necesitan utilizar estas instalacións “é agora cando moitos preparan oposicións, ou mesmo as convocatorias de setembro”. Alicia Peña insiste en que “bastante teñen os que non poden gozar do verán porque teñen que estudar para que enriba o Concello non lles facilite a tarefa”.

A concelleira popular recorda que neste momento hai fixada data para a realización de exames de oposicións á Xunta de Galicia para o mes de setembro, e que nesa época tamén hai convocatorias de exames de todo tipo de ciclos formativos.