O Grupo Municipal Popular denuncia "a descoordinación e a falta de previsión do Goberno Local" e como exemplo de que cada responsable de área traballa "ao seu aire" cita o atraso na colocación de xogos infantís no parque da Milagrosa "a pesar de estar en pleno verán".

Alicia Pena explica como "hai dúas chairas de cemento baleiras". Por este motivo os nenos acoden ao novo parque de ximnasia biosaudable para adultos e utilizan os aparellos de adestramento, para xogar o que provoca queixas dalgúns usuarios.

A concelleira Pena Murias pide que coloquen "xa" os xogos dos nenos lamentando "a falta de visión e a nula coordinación entre as distintas concellarías".

A edila popular Alicia Pena tamén volveu reclamar que se coloque no Parque infantil da Praza de San Lorenzo (Barrio Feijóo) un valo de seguridade. Esta é unha vella petición na que os populares insisten, ano tras ano, xa que os xogos infantís lindan coa estrada "os vehículos circulan e estacionan á beira da zona", advirte Pena.