O Grupo Municipal Popular quere saber cales son os motivos polos que o Goberno Local quere externalizar a distribución das publicacións editadas polo Concello así como a xestión do almacén de custodia de remanentes.

A Xunta de Goberno que se celebrou este mércores aprobou o prego de cláusulas administrativas para a contratación deste novo servizo. Estímase que coa externalización deste servizo o Concello desembolsará, como mínimo entre o 50 e o 60% do prezo de venda ao público das publicacións que se editen (IVE incluído) sen prexuízo da porcentaxe ofertada polas empresas.

Ata agora o Concello viña recadando, en concepto de distribución das súas publicacións, unha media de 8.000 euros anuais (IVE incluído). O valor estimado do contrato, que ten un prazo de execución de catro anos, ascende a 16.000 euros.

Á vista desta resolución da Xunta de Goberno do Concello de Lugo, o Grupo Municipal do Partido Popular formula as seguintes preguntas:

Cantas publicacións editou o concello de Lugo desde o ano 2000"

Que porcentaxe de cada unha delas distribuír e que porcentaxe aínda se conserva no almacén"

Canto gastou o Concello de Lugo en concepto de edición de libros e outras publicacións desde o ano 2000"

Que beneficios espera obter o concello coa extenalización deste servizo"

Que criterios séguense e que órgano adopta a decisión sobre os libros que edita o Concello"