O Grupo Municipal Popular felicita á organización do Arde Lucus e tamén aos lucenses pola "alta implicación e participación" nesta oitava edición do Arde Lucus.

Os populares cren que é o momento de empezar a tramitar os expedientes para instar tanto á Xunta como ao Goberno de España para que se declare o Arde Lucus Festa de Interese Turístico de Galicia así como de Interese Turístico Nacional"

"Toda axuda é boa, confiamos en que esta proposta conte co apoio de todos os grupos da Corporación".

Aínda que o Alcalde afirma que a declaración a nivel autonómico só se pode facer con festas con antigüidade mínima de dez anos, a norma que regula as "festas de Galicia de interese turístico" no seu artigo 23 especifica que: "a antigüidade mínima poderá ser dispensada cando unha valoración conxunta dos requisitos e criterios recollidos no presente regulamento así o aconsellen" . O Grupo Popular entende que o Arde Lucus ten entidade suficiente para presentar a súa candidatura á declaración.

Suxestións á organización,-

Xa de face a próximas edicións o Grupo Popular propón algunhas melloras:

Calidade en lugar de cantidade.- Hai ocasións en que é imposible acudir ás citas programadas porque son á mesma hora en diferentes puntos da cidade, e é unha mágoa perder ese esforzo. Hai que esforzarse en primar a calidade dos espectáculos aínda que se reduza o número.

Mercado Romano.- Tería que ser un pouco máis rigoroso. Non ten sentido repetir unha e outra vez o mesmo mercado que vén á Feira Medieval, ao mercado Goyesco e a outras citas idénticas. O efecto que provoca é o hartazgo dos potenciais visitantes, sobre todo se os artigos son obviamente extemporáneos.

Circo Romano.- Buscar números innovadores. Estamos falando dun espectáculo cuxo contido é o mesmo ano tras ano e que, polo tanto, non supón grandes alicientes para os espectadores. Habería que buscar novos contidos para que a cita sexa atractiva no futuro.

Bancadas.- Respecto ao Circo, tamén sería interesante que non queden bancadas baleiras, sobre todo habendo unha demanda tan intensa por parte do público. Non parece lóxico que houbese máis de cen cadeiras baleiras cando nas costas do parque había moitos lucenses intentando ver o espectáculo.

Limpeza e seguridade.- O Grupo Municipal Popular entende que habería que articular un dispositivo de limpeza e seguridade máis eficiente, que evite o espectáculo de ver no casco histórico excrementos de cabalos, restos de celebracións"

Transparencia.- Para rematar, o Concello ha de promover que a repartición dos disfraces en posesión da Administración fágase con criterios máis obxectivos, e non deixar aberta a porta ás sospeitas de favoritismos á hora da súa distribución, do mesmo xeito que sucede coas entradas do Circo Romano.



Los populares insisten en que "estas ideas achéganse en positivo, de forma construtiva, e intentando que entre todos vaiamos puíndo as deficiencias que se vaian detectando polo ben do Arde Lucus e de Lugo".