O Grupo Municipal Popular critica que a día un de xullo o Goberno Local non teña en marcha o operativo do servizo de rescate acuático no Miño ao seu paso polo Municipio de Lugo. O Concelleiro popular Enrique Rozas considera "impresentable" a falta de previsión coa que traballa o señor Rábade, "que por segundo ano consecutivo é incapaz de programar un servizo básico para garantir a seguridade dos bañistas".

"O Goberno Local non ten desculpa", xa que "por se se lles pasaban os prazos lóxicos para a entrada en funcionamento deste servizo" o Grupo Municipal Popular, o pasado día 17 de xuño, recordoulle que non se despistasen na súa tramitación.

No verán do 2008, o equipo de socorristas empezou a prestar servizo o día 15 de xullo e, polo que se ve, este ano o rescate acuático "non estará operativo moito antes".

Enrique Rozas pídelle ao Goberno máis previsión para próximas tempadas, e que teñan listo o servizo desde o 15 de xuño xa que pode volver darse que o bo tempo invite, como este ano, a gozar do Río.