A concelleira popular Sofía López Linares anunciou hoxe que o Grupo Municipal Popular presentará en breve unha pregunta ao Goberno Local para que informe dos pasos dados e o estado de tramitación das peticións de xulgados especializados de violencia e de familia para Lugo.

A concelleira faise eco das declaracións que onte fixo o Fiscal Xeral de Galicia, e alégrase de que esta proposta, realizada polo Grupo Municipal Popular fai máis dun ano "reciba a lombeirada do máximo representante da fiscalía en Galicia".

O PP recorda que no Pleno celebrado o día 30 de xuño de 2008, o Grupo Municipal Popular defendeu a adopción dunha serie de medidas que se apoiaron por unanimidade de todos os grupos. Entre elas atopábanse iniciativas para instar ao Goberno da Nación á creación destes xulgados en Lugo.

Posteriormente, houbo unha polémica entre o anterior ministro de Xustiza, señor Bermejo, e o anterior goberno do Bipartito da Xunta, en que finalmente non se aclarou se o goberno de Touriño solicitou ou non ao Estado a creación destes xulgados. Bermejo dicía non recibir petición algunha, mentres que PSOE e BNG dicían o contrario desde a Xunta.

Un ano despois seguimos esperando a que o Estado dote á cidade de Lugo de xulgados especializados de violencia e de familia, moi necesarios pola actual situación de saturación dos xulgados da capital, e a imperiosidad dunha especialización dos mesmos.