Asuntos máis relevantes tratados no Pleno de hoxe:

• A concelleira Cristina Ares informou ao Pleno das suxestións e reclamacións recibidas na comisión que ela preside.

Todos os grupos felicitaron tanto aos funcionarios dos que depende o funcionamento da Comisión, como aos cidadáns, que cada vez en maior medida utilizan este servizo para facer valer os seus dereitos ante a Administración Local.

• O Goberno Local escabulle, coa complicidade do BNG, a súa responsabilidade no mal funcionamento do Rastrillo.
• Os Populares acusan ao Goberno de desidia á hora de aplicar a normativa que hoxe se derroga, e de esconderse tras uns papeis que non quixeron facer cumprir.

PSOE e BNG votan contra unha emenda do Partido Popular e aproban a iniciación da derrogación da normativa que rexe o Rastrillo da Zona Monumental.

A concelleira Luisa Zarzuela, en nome do Goberno Local, achaca a esta normativa "obsoleta" os problemas do Rastrillo, xa que non hai ningún posto que obteña previamente licenza e ata se chegou a recoñecer que se venden produtos roubados.

Joaquín García Díez explicou a moi razoable postura do seu grupo, que se basea en que todas esas incidencias están contempladas na normativa que hoxe se derrogou. Non se pode achacar o problema ao articulado, que é un moi bo exercicio xurídico, senón ao deixamento do goberno á hora de aplicalo.

• Sofía López Linares introduce modificacións nos plans do Goberno Local respecto destes centros, nos que o PSOE pretendía contratar a persoas con titulación "ou que aínda non teníendola cumpran os requisitos".
• O Grupo Municipal Popular critica que se inaugure o mesmo centro tres veces.

• O Grupo Municipal Popular leva a Pleno o escándalo do Plan URBAN, en que o Goberno Local esixe un tipo de cadeiras para as terrazas do centro urbano que só produce unha fábrica en toda España.
• Ademais, os populares tamén criticaron a "uniformización" do casco histórico, xa que se chega ata a obrigar a ter unha única cor de toldo para toda a cidade.
• Estas condicións son actualmente as requiridas para lograr unha subvención, pero o Goberno informou aos hostaleiros de que nun par de anos serán obrigatorias.

Permitir que os hostaleiros elixan os modelos que prefiran, cumprindo uns requisitos que fagan do centro unha zona coordinada e que siga unha estética similar é algo co que todos estamos de acordo. Con todo, o Goberno Local impón os seus criterios e obriga a que TODAS as terrazas do centro de Lugo teñan o mesmo cor, exacto, para os seus toldos, e para as cadeiras de metal e madeira tamén se concretan as súas esixencias a que se instale un único modelo, producido por un único fabricante.

Ademais da sospeitosa concreción do mobiliario, García Díez criticou con dureza o espírito da norma, que obrigará a uniformizar o casco histórico. Puxo como exemplo o esforzo dalgúns hostaleiros, concretamente os promotores do Hotel Pazo de Sangro, da Tinería, que dotaron ás súas terrazas de mobiliario moi adecuado e que a norma deixará fóra.

O Goberno Local volveu culpar aos técnicos municipais do problema, pero non aceptou a proposta para poder corrixilo.

Houbo unha anécdota neste punto, xa que por mor dunha frase de García Díez, en que falou de que "non se se é de Sanxenxo ou San Ginés", a concelleira nacionalista Paz Abraira acusou ao portavoz de descoñecer "a norma" sobre toponimia e que os membros do Partido Popular saberán onde está San Ginés. García Díez replicou informando á concelleira de que "San Ginés, para a súa información, é unha pedanía do Concello de Murcia, polo que manteño o devandito ".

• O Partido Popular, no 140 aniversario da Banda Municipal pide ao Pleno o apoio para lograr medidas de promoción e reforzo da mesma.

• Esta iniciativa do BNG foi aceptada cunha modificación introducida polo PP, pola que se insta a estudar a creación de percorridos seguros para os nenos dos colexios de Lugo.

• PSOE e BNG esixen agora á Xunta que "recolla todo o leite de Galicia".

• O Partido Popular presentou esta iniciativa por mor das preocupantes declaracións de Sonia Méndez, que afirmou que habían caido os ingresos por construcións nun 80%.
• O BNG, falando como Goberno, esixe ao PP que redacte ese plan, cando é evidente que é o Goberno quen ten que equilibrar o orzamento. Tamén anuncio que estaría disposto a estudar apoiar unha subida de impostos.

• A proposición non se chegou a votar tras un "debate encuberto" autorizado pola concelleira Concepción Burgo, quen argüiu a curiosa teoría de que as preguntas contéstanse desde que as reciben os concelleiros, non desde que se rexistran.