• Os populares consideran importante que a celebración deste aniversario non se reduza a unha declaración institucional.
• A implicación da cidadanía e a apertura da Banda a músicos noveis de Lugo son propostas que os populares entenden darán nova vida á agrupación.

• Retomar a realización dos cursos de música do Corpus, nos que profesionais de alto prestixio poidan dar clases maxistrais aos alumnos de música e outros interesados tanto de Lugo como de fóra da cidade.
• Crear unha sección na Banda Municipal na que teñan cabida tanto alumnos de música como afeccionados con capacidades musicais e que poidan intervir como invitados nos concertos da Banda.
• Implicar a outras institucións, como a Deputación Provincial e a Xunta de Galicia, na procura dun apoio aos talentos musicais de Lugo a través da propia Banda Municipal.
• Dar cabida en todas estas medidas a músicos tamén de fóra de Lugo, de forma que a nosa cidade volva ser un punto de encontro e un referente a nivel nacional para melómanos.

Desde o Grupo Popular pídese o apoio de PSOE e BNG para que se establezan os convenios e fórmulas de colaboración precisos con outras administracións e institucións relacionadas, facendo especial referencia ao Conservatorio Oficial de Música de Lugo, co fin de potenciar á Banda Municipal de Lugo.

Un segundo punto sería estudar a creación dunha sección na Banda Municipal na que teñan cabida tanto alumnos de música como afeccionados con capacidades musicais e que poidan intervir como invitados nos concertos da Banda.