Hoxe, no Foro de Participación en Materia de Igualdade, o Grupo Municipal Popular presentou unha iniciativa na que se propón o establecemento dun observatorio da publicidade sexista. A súa función sería vixiar, principalmente, a incidencia da publicidade sexista e a súa relación coa prostitución en Lugo.

O Grupo Municipal Popular conseguiu o apoio de PSOE e BNG para que se introduza un apartado dentro do Observatorio Xeral que se está gestando, no que se incluiría o de Publicidade Sexista, para poder realizar un control exhaustivo recollendo datos de incidencias e analizar así a evolución destas mensaxes sexistas.

Sofía López Linares considera que "é prioritario, dentro dunha política de igualdade, buscar a desaparición dunha publicidade baseada no sexismo e que ten como consecuencia directa o menoscabo da dignidade e a imaxe da muller".