Os populares critican que, unha vez máis, téñanse que decatar polos medios de comunicación de como o goberno local pretende resolver a mobilidade da cidade. "Din que queren contar con todos cando a realidade é ben distinta". Nese sentido o Grupo Municipal Popular solicita que se lle remitan os documentos do Plan de Mobilidade, dos que xa dispón o Concello.

Desde o Grupo Popular afirman que sería positivo poder traballar coa documentación existente para axilizar a toma de posicións cando chegue en setembro o documento definitivo.

Os populares recordan que na última reunión da comisión de tráfico, que forzou o Grupo Popular, o goberno local aprazou a entrega da documentación ata o mes de setembro porque se lle concedeu unha prórroga á empresa redactora do Plan de Mobilidade. "Como é posible que a mediados de xuño estéanse facendo públicos documentos que descoñecen os grupos da oposición?".

"Unha vez máis a forma e estilo de gobernar de Orozco queda patente: prefiren o rédito publicitario á colaboración dos demais grupos".